Page 562
ਨ ਦੇਹ ਫੇਰਿ ਲੈ ਕੈ ॥
न देह फेरि लै कै ॥
ਨ ਦੇਹ ਦਾਨ ਕੈ ਕੈ ॥
न देह दान कै कै ॥
ਹਰਿ ਨਾਮ ਕੌ ਨ ਲੈ ਹੈ ॥
हरि नाम कौ न लै है ॥
ਬਿਸੇਖ ਨਰਕਿ ਜੈ ਹੈ ॥੩੯॥
बिसेख नरकि जै है ॥३९॥
ਨ ਧਰਮ ਠਾਂਢਿ ਰਹਿ ਹੈ ॥
न धरम ठांढि रहि है ॥
ਕਰੈ ਨ ਜਉਨ ਕਹਿ ਹੈ ॥
करै न जउन कहि है ॥
ਨ ਪ੍ਰੀਤਿ ਮਾਤ ਸੰਗਾ ॥
न प्रीति मात संगा ॥
ਅਧੀਨ ਅਰਧੰਗਾ ॥੪੦॥
अधीन अरधंगा ॥४०॥
ਅਭੱਛ ਭੱਛ ਭਛੈ ॥
अभच्छ भच्छ भछै ॥
ਅਕੱਛ ਕਾਛ ਕੱਛੈ ॥
अकच्छ काछ कच्छै ॥
ਅਭਾਖ ਬੈਨ ਭਾਖੈ ॥
अभाख बैन भाखै ॥
ਕਿਸੂ ਨ ਕਾਣਿ ਰਾਖੈ ॥੪੧॥
किसू न काणि राखै ॥४१॥
ਅਧਰਮ ਕਰਮ ਕਰ ਹੈ ॥
अधरम करम कर है ॥
ਨ ਤਾਤ ਮਾਤ ਡਰਿ ਹੈ ॥
न तात मात डरि है ॥
ਕੁਮੰਤ੍ਰ ਮੰਤ੍ਰ ਕੈ ਹੈ ॥
कुमंत्र मंत्र कै है ॥
ਸੁਮੰਤ੍ਰ ਕੋ ਨ ਲੈ ਹੈ ॥੪੨॥
सुमंत्र को न लै है ॥४२॥
ਅਧਰਮ ਕਰਮ ਕੈ ਹੈ ॥
अधरम करम कै है ॥
ਸੁ ਭਰਮ ਧਰਮ ਖੁਐ ਹੈ ॥
सु भरम धरम खुऐ है ॥
ਸੁ ਕਾਲ ਫਾਸਿ ਫਸ ਹੈ ॥
सु काल फासि फस है ॥
ਨਿਦਾਨ ਨਰਕ ਬਸਿ ਹੈ ॥੪੩॥
निदान नरक बसि है ॥४३॥
ਕੁਕਰਮ ਕਰਮ ਲਾਗੇ ॥
कुकरम करम लागे ॥
ਸੁਧਰਮ ਛਾਡਿ ਭਾਗੇ ॥
सुधरम छाडि भागे ॥
ਕਮਾਤ ਨਿੱਤ ਪਾਪੰ ॥
कमात नित्त पापं ॥
ਬਿਸਾਰਿ ਸਰਬ ਜਾਪੰ ॥੪੪॥
बिसारि सरब जापं ॥४४॥
ਸੁ ਮੱਦ ਮੋਹ ਮੱਤੇ ॥
सु मद्द मोह मत्ते ॥
ਸੁ ਕਰਮ ਕੇ ਕੁਪੱਤੇ ॥
सु करम के कुपत्ते ॥
ਸੁ ਕਾਮ ਕ੍ਰੋਧ ਰਾਚੇ ॥
सु काम क्रोध राचे ॥
ਉਤਾਰਿ ਲਾਜ ਨਾਚੇ ॥੪੫॥
उतारि लाज नाचे ॥४५॥
ਨਗ ਸਰੂਪੀ ਛੰਦ ॥
नग सरूपी छंद ॥
ਨ ਧਰਮ ਕਰਮ ਕਉ ਕਰੈ ॥
न धरम करम कउ करै ॥
ਬ੍ਰਿਥਾ ਕਥਾ ਸੁਨੈ ਰਰੈ ॥
ब्रिथा कथा सुनै ररै ॥
ਕੁਕਰਮ ਕਰਮਿ ਸੋ ਫਸੈ ॥
कुकरम करमि सो फसै ॥
ਸਤਿ ਛਾਡਿ ਧਰਮ ਵਾ ਨਸੈ ॥੪੬॥
सति छाडि धरम वा नसै ॥४६॥
ਪੁਰਾਣ ਕਾਬਿ ਨ ਪੜੈ ॥
पुराण काबि न पड़ै ॥
ਕੁਰਾਨ ਲੈ ਨ ਤੇ ਰੜੈ ॥
कुरान लै न ते रड़ै ॥
ਅਧਰਮ ਕਰਮ ਕੋ ਕਰੈ ॥
अधरम करम को करै ॥
ਸੁ ਧਰਮ ਜਾਸੁ ਤੇ ਡਰੈ ॥੪੭॥
सु धरम जासु ते डरै ॥४७॥
ਧਰਾਕਿ ਵਰਣਤਾ ਭਈ ॥
धराकि वरणता भई ॥
ਸੁ ਭਰਮ ਧਰਮ ਕੀ ਗਈ ॥
सु भरम धरम की गई ॥
ਗ੍ਰਿਹੰ ਗ੍ਰਿਹੰ ਨਯੰ ਮਤੰ ॥
ग्रिहं ग्रिहं नयं मतं ॥
ਚਲੇ ਭੂਅੰ ਜਥਾ ਤਥੰ ॥੪੮॥
चले भूअं जथा तथं ॥४८॥
ਗ੍ਰਿਹੰ ਗ੍ਰਿਹੰ ਨਏ ਮਤੰ ॥
ग्रिहं ग्रिहं नए मतं ॥
ਭਈ ਧਰੰ ਨਈ ਗਤੰ ॥
भई धरं नई गतं ॥
ਅਧਰਮ ਰਾਜਤਾ ਲਈ ॥
अधरम राजता लई ॥
ਨਿਕਾਰਿ ਧਰਮ ਦੇਸ ਦੀ ॥੪੯॥
निकारि धरम देस दी ॥४९॥
ਪ੍ਰਬੋਧ ਏਕ ਨ ਲਗੈ ॥
प्रबोध एक न लगै ॥
ਸੁ ਧਰਮ ਅਧਰਮ ਤੇ ਭਗੈ ॥
सु धरम अधरम ते भगै ॥
ਕੁਕਰਮ ਪ੍ਰਚੁਰਯੰ ਜਗੰ ॥
कुकरम प्रचुरयं जगं ॥
ਸੁ ਕਰਮ ਪੰਖ ਕੈ ਭਗੰ ॥੫੦॥
सु करम पंख कै भगं ॥५०॥
ਪ੍ਰਪੰਚ ਪੰਚ ਹੁਇ ਗਡਾ ॥
प्रपंच पंच हुइ गडा ॥
ਅਪ੍ਰਪੰਚ ਪੰਖ ਕੇ ਉਡਾ ॥
अप्रपंच पंख के उडा ॥
ਕੁਕਰਮ ਬਿਚਰਤੰ ਜਗੰ ॥
कुकरम बिचरतं जगं ॥
ਸੁਕਰਮ ਸੁ ਭ੍ਰਮੰ ਭਗੰ ॥੫੧॥
सुकरम सु भ्रमं भगं ॥५१॥
ਰਮਾਣ ਛੰਦ ॥
रमाण छंद ॥
ਸੁਕ੍ਰਿਤੰ ਤਜਿਹੈ ॥
सुक्रितं तजिहै ॥
ਕੁਕ੍ਰਿਤੰ ਭਜਿ ਹੈ ॥੫੨॥
कुक्रितं भजि है ॥५२॥
ਭ੍ਰਮਣੰ ਭਰਿ ਹੈ ॥
भ्रमणं भरि है ॥
ਜਸ ਤੇ ਟਰਿ ਹੈ ॥੫੩॥
जस ते टरि है ॥५३॥
ਕਰਿ ਹੈ ਕੁਕ੍ਰਿਤੰ ॥
करि है कुक्रितं ॥
ਰਰਿ ਹੈ ਅਨ੍ਰਿਥੰ ॥੫੪॥
ररि है अन्रिथं ॥५४॥
ਜਪ ਹੈ ਅਜਪੰ ॥
जप है अजपं ॥
ਕੁਥਪੇਣ ਥਪੰ ॥੫੫॥
कुथपेण थपं ॥५५॥
ਸੋਮਰਾਜੀ ਛੰਦ ॥
सोमराजी छंद ॥
ਸੁਨੈ ਦੇਸਿ ਦੇਸੰ, ਮੁਨੰ ਪਾਪ ਕਰਮਾ ॥
सुनै देसि देसं, मुनं पाप करमा ॥
ਚੁਨੈ ਜੂਠ ਕੂਠੰ, ਸ੍ਰੁਤੰ ਛੋਰ ਧਰਮਾ ॥੫੬॥
चुनै जूठ कूठं, स्रुतं छोर धरमा ॥५६॥
ਤਜੈ ਧਰਮ ਨਾਰੀ, ਤਕੈ ਪਾਪ ਨਾਰੰ ॥
तजै धरम नारी, तकै पाप नारं ॥
ਮਹਾ ਰੂਪ ਪਾਪੀ, ਕੁਵਿਤ੍ਰਾਧਿਕਾਰੰ ॥੫੭॥
महा रूप पापी, कुवित्राधिकारं ॥५७॥
ਕਰੈ ਨਿਤ ਅਨਰਥੰ, ਸਮਰਥੰ ਨ ਏਤੀ ॥
करै नित अनरथं, समरथं न एती ॥
ਕਰੈ ਪਾਪ ਤੇਤੋ, ਪਰਾਲਬਧ ਜੇਤੀ ॥੫੮॥
करै पाप तेतो, परालबध जेती ॥५८॥
ਨਏ ਨਿੱਤ ਮੱਤੰ, ਉਠੈ ਏਕ ਏਕੰ ॥
नए नित्त मत्तं, उठै एक एकं ॥
ਕਰੈ ਨਿੰਤ ਅਨਰਥੰ, ਅਨੇਕੰ ਅਨੇਕੰ ॥੫੯॥
करै निंत अनरथं, अनेकं अनेकं ॥५९॥
| 
